नेचुरल सहकारी र वर्ल्डलिंक बीच सम्झौता, इन्टरनेट सेवा खरिदमा १५ प्रतिशत छुट

आईतबार एक कार्यक्रमकाे बीच नेचुरल सहकारीमा आवद्ध सदस्यहरूलाई ईन्टरनेट सेवामा छुट दिनेगरी सम्झौता भएकाे हाे । सम्झौता अनुसार अब नेचुरल सहकारीका सदस्यले वर्ल्डलिंककाे ईन्टरनेट सेवा खरिद तथा नविकरणमा १५ प्रतिशत छुट पाउने छ ।

नेचुरल बचत तथा ऋण सहकारी संस्था लिमिटेड र वर्ल्डलिंक कम्युनिकेशन लिमिटेड सम्झौता भएकाे छ ।उक्त सम्झौतामा नेचुरल सहकारीका तर्फबाट प्रमुख कार्यकारी सञ्चालक विकल्प पाठक र वर्ल्डलिंक कम्युनिकेशनकाे तर्फबाट क्षेत्रिय प्रबन्ध अनुप मानन्धरले हस्ताक्षर गरेका छन् ।

आईतबार नेचुरल सहकारीको कर्पाेरेट कार्यालयमा भएकाे सम्झौता कार्यक्रममा संस्थाका प्रबन्धक घनश्याम नेपाल, आईटी विभाग प्रमुख समिर बुढाथोकी लगायतकाे उपस्थिति रहेकाे थियाे ।

नेचुरल सहकारीले विभिन्न सेवा र व्यवसायिक क्षेत्रसँग सम्झौता गरि सदस्यहरूलाई छुट सुविधा प्रदान गर्दै आएकाे छ ।