नेचुरल साकोसद्धारा विभिन्न बिधामा सम्मान
जोरपाटीस्थित नेचुरल बचत तथा ऋण सहकारी संस्थाले उत्कृष्ट उद्यमीलगायत विभिन्न बिधामा सदस्यलाई लाई सम्मान गरेको छ । संस्थाको १३ औं वार्षिक साधारणसभाका अवसरमा उत्कृष्ट उद्यमीहरुलाई सम्मान गरेको हो ।
उत्कृष्ट महिला उद्यमीबाट रेली शर्मा प्रधान, संजीवनी कुँवर, मेनुका थापा बानियाँ, प्रमिला राई सम्मानित भएका छन् । उत्कृष्ट युवा उद्यमी पुरस्कारबाट लक्ष्मीप्रसाद बुढाथोकी, पुरुषोतम बराल, शेखर काप्री, उद्धव बराल सम्मानित भएका छन् ।
साघु शाखा उत्कृष्ट शाखाबाट सम्मानित भएको छ । त्यसैगरी उत्कृष्ट प्रविधि प्रयोगकर्तामा गणेशप्रसाद घोरासैनी, अनिल मानन्धर, रवीन्द्र श्रेष्ठ, राजु धिताल, सुदिप धिताल सम्मानित भएका छन् ।
त्यस्तै उत्कृष्ट कारोबारतर्फ धमेन्द्रलाल कर्ण, सुरेन्द्रबहादुर श्रेष्ठ, विष्णुप्रसाद गजुरेल, सपन श्रेष्ठ, तेजबहादुर धामी सम्मानित भएका छन् । उत्कृष्ट नियमित बचतकर्तातर्फ पुष्पाकुमारी कार्की, हरी श्रेष्ठ, लक्ष्मी क्षेत्री खनाल, राहुल अग्रवाल, साधुराम चौलागाई सम्मानित भएका छन् ।
संस्थाका अध्यक्ष शर्मिला अमात्यको अध्यक्षतामा तथा बागमती प्रदेश भूमि व्यवस्था, कृषि तथा सहकारी राज्य मन्त्री बद्री मैनालीको प्रमुख आतिथ्यतामा सभा सम्पन्न भएको थियो।
संस्थाले आर्थिक वर्ष २०७७÷०७८ सम्म संस्थाको सेयर पुँजी १२ करोड ८६ लाख ८४ हजार ६ सय पुगेको छ । संस्थाले २ अर्ब ७ करोड बचत संकलन गरी २ अर्ब ५ करोड ६३ लाख लगानी गरेको छ । संस्थाले ३१ करोड ७२ लाख आम्दानी गरेको छ ।
संस्थाले ३ करोड ६० लाख ५२ हजार नाफा गरेको छ । संस्थाका सचिव तथा प्रमुख कार्यकारी अधिकृत विकल्प पाठकले सेयर पुँजीमा १५।४१ प्रतिशत, बचतमा ५७।९५ प्रतिशत, कर्जामा ४४।०७ प्रतिशत, कुल आम्दानीमा ३०।५४ प्रतिशतले वृद्धि गरेका बताए ।
