नेचुरलकाे साँखु सेवा केन्द्र छैटौं वर्षमा, विद्यार्थीलाई निःशुल्क पाठ्यपुस्तक वितरण

नेचुरल बचत तथा ऋण सहकारी संस्था, साँखु सेवा केन्द्र स्थापनाको छैटौं वर्षमा प्रवेश गरेकाे छ ।
सेवा केन्द्र स्थापना दिवसको अवसरमा संस्थाले भाग्योदय माध्यमिक विद्याललयमा अध्ययनरत विज्ञान संकायतर्फ कक्षा ११ का २५ जना विद्यार्थीहरुलाई निःशुल्क पाठ्यपुस्तक वितरण गरेको छ । बुधबार एक कार्यक्रमकाे बीच संस्थाले पाठ्यपुस्तक हस्तान्तरण गरेकाे हाे । पाठ्य पुस्तक वितरण कार्यक्रममा बोल्दै नेचुरल बचत तथा ऋण सहकारी संस्था, साँखु सेवा केन्द्रका प्रबन्धक घनश्याम नेपालले संस्थाले सामाजिक उत्तरदायित्व अन्तर्गत पाठ्यपुस्तक सहयोग गरेकाे र आगामी दिनमा पनि निरन्तरता दिने बताए ।

कार्यक्रममा सभापतित्व गर्दै विद्यालयका अध्यक्ष मधु केसी “निरज”ले पाठ्यपुस्तक सहयाेग गरेकाेमा संस्थालाई धन्यवाद व्यक्त गरे । ५/६ जनाबाट सुरु गरेकोमा हाल विद्यालयमा २५ जना पुगेको बताए ।

त्यस्तै संस्थाले सेवा केन्द्रकाे स्थापना दिवस मनाएकाे छ । संस्थाका प्रमुख कार्यकारी सञ्चालक विकल्प पाठककाे उपस्थितिमा केक कारेट स्थापना दिवस मनाएकाे हाे । कार्यक्रममा संस्थाका साँखु सेवा केन्द्रका कर्मचारीहरुकाे उपस्थिति रहेकाे थियाे । संस्थाले शंखरापुर क्षेत्रमा आफ्नाे छुट्टै पहिचान समेत बनाउन सफल भएकाे छ । संस्थाकाे साँखु सेवा केन्द्र आफ्नै भवनमा सञ्चालित छ ।