अब बैंकबाट सहकारीको खातामा रकम ट्रान्सफर हुने, राष्ट्रिय सहकारी बैंक ‘सेटलमेन्ट बैंक’

नेचुरल बचत तथा ऋण सहकारी संस्थाले आफ्ना सदस्यलाई प्रविधिमा आधारित थप नयाँ सुविधा सुरु गरेको छ ।

अब नेचुरल सहकारी संस्थाका सदस्यले ‘नेचुरल स्मार्ट एप’ प्रयोग गरेर बैंक खाताबाट आफ्नो सहकारीको खातामा सहजै रकम ट्रान्सफर सक्नेछन् ।
नेचुरल सहकारीले सुरु गरेको यो सेवा नेपालमै पहिलो रहेको संस्थाका प्रमुख कार्यकारी सञ्चालक विकल्प पाठकले बताउनुभयो । संस्थाले वालेट कम्पनी वी पे (We Pay) सँगको सहकार्यमा सेवा सुरु गरेको पाठकले बताउनुभयो ।

यसरी हुने कारोबारको सेटलमेन्ट राष्ट्रिय सहकारी बैंकले गर्ने छ । बैंक तथा वित्तीय संस्थाका खाताबाट सहकारी संस्थाको खातामा रकम ट्रान्सफर गर्न नेपालमा पहिलोपटक राष्ट्रिय सहकारी बैंक ‘सेटलमेन्ट बैंक’ समेत भएको छ ।

राष्ट्रिय सहकारी बैंकले बैंक टू सहकारी रकम ट्रान्सफरको सेटलमेन्टको परिक्षण गरिरहेको छ । हाल केही सहकारीमा परिक्षण भईरहेको बैंकले जनाएको छ ।