ग्लोबल मनी विक: नेचुरल सहकारीद्वारा विद्यार्थीलाई वित्तीय साक्षरता अभिमुखीकरण

संस्थाले शंखरापुर-६, साँखु स्थित भाग्योदय माध्यामिक विद्यालयमा अध्ययनरत विद्यार्थीहरुलाई वित्तीय साक्षरता अभिमुखीकरण कार्यक्रमको आयोजना गरेको । बुधबार आयोजित अभिमुखीकरणमा ८५ जना विद्यार्थी सभागी थिए ।

संस्थाका सचिव विकल्प पाठकले विद्यार्थीहरुलाई पैसाको महत्व, बचत गर्ने तरिका, वित्तीय अनुशासन, पारिवारिक बजेट, सहकारी लगायतका बारेमा जानकारी गराएका थिए । कार्यक्रममा विद्यार्थीहरुसँग अन्तरक्रिया समेत गरिएको थियो ।

कार्यक्रममा संस्थाका प्रबन्धक घनश्याम नेपाल, प्रशासन प्रमुख सृजना पण्डित, साँखु सेवा केन्द्रका प्रमुख श्रीलाल श्रेष्ठ, विद्यालयमा प्रधानाध्यापक रुषन बसी लगायत शिक्षक शिक्षिकाको उपस्थिती थियो ।

नेपाल राष्ट्र बैंकको मार्गदर्शनमा नेपालमा यहि चैत्र ४ देखि १० गतेसम्म १३ औं श्रृंखलाको ग्लोबल मनी वीक २०२५ सञ्चालन भईरहेको छ ।

बालबालिका र युवाहरुमा वित्तीय साक्षरता अभिवृद्धि गर्दै वित्तीय ज्ञान, शीप मनोवृत्ति र व्यवहारको विकास गर्ने उद्धेश्यका साथ Organization of Economic Cooperation and Development (OECD) को संयोजनमा सन् २०१२ देखि हरेक वर्ष ग्लोवल मनी वीक (Global Money Week-GMW) विश्वभर मनाउँदै आएको छ ।

यस वर्षको नाराका रूपमा “Think before you follow, wise money tomorrow” रहेको छ ।